Chining'a ndi mawu amodzi kapena gulu la mawu ochepa onena mozimbayitsa ndipo ali ndi matanthauzo obisika. Anthu akafuna kukambirana nkhani zobisa, kapena zoti anthu ena asadziwe zomwe zikunenedwa; anthuwo amayankhula mophiphiritsa. Zining'a zimakometsa nkhani kotero zimachititsa awerengi kapena omvera kuti amve kukoma kwa chiyankhulo.
Chining'a | Tanthauzo |
|---|---|
| Bisa nkhope | chita mlubza |
| Byala ufa | mwalira |
| Chitsinzi | munthu wochita zoyipa mobisa |
| Dothi lokhalokha | anthu ambiri |
| Dziko kapena mudzi | manda |
| Dzinthu kapena vinthu | chakudya chambiri |
| Dzuwa . | njala |
| Galu wakuda | njala |
| Kalowam'malaya | njala |
| Kabwere mawa | chinthu chosalimba |
| Japani | nsalu yotha msanga |
| Kubisala pachipande | kunana |
| Kadam'manja | munthu wosawuka |
| Mphemvu m'dyera ku mthiko | munthu wosawuka |
| Kwakwatuke | munthu wosawuka |
| Kamwendo m'njira | munthu woyendayenda |
| Matako akana pansi | munthu woyendayenda |
| Wodya matako a galu | munthu woyendayenda |
| Kaponda chimziri | munthu woyendayenda |
| Kanga ndiwamba. | munthu womana |
| Mphungu sataya nthenga | munthu womana kwambiri |
| Kazitape | munthu wodanitsa |
| M'thirakuwiri | munthu wodanitsa |
| Kavuwevuwe | munthu wodanitsa |
| Bwezera phala kum'kobwe | kuchita zolepheretsa nzathu kuti asatichitirenso zabwino |
| Tsinira mafulufute kuuna | kutsekereza zabwino |
| Dula phazi | leka kupita pakhomo la munthu wina |
| Fundika bulangeti | pusitsa |
| Gwira m'maso | pusitsa |
| Phimba m'maso | pusitsa |
| Yala udzu | pusitsa |
| Kumuwaza mchenga m'maso | kupusitsana |
| Gona pa lumbe | gona osafunda kanthu |
| Igwa nkhope | chita manyazi |
| Thyola bano | kutha msinkhu/kukula/kuchoka pa ubuthu kukhala namwali |
| Gwilitsa fuwa lamoto | kupusitsa munthu/kulindiritsa |
| Kumata phula m’maso | kunamiza mzako |
| Iwala gaga. | mwalira |
| Kwatiwa n’kumbuyo komwe | kukwatiwa ndi munthu wolemera |
| Kukwatiwa pantchafu | kukwatiwa ndi munthu wosawuka. |
| Lerera mwana pachinena/pachilolo | kulera momusasatitsa/momupusitsa |
| Kuloza ndege ndi chala | nyada |
| Chotsa chimbenene | chenjeretsa/khaulitsa |
| Nong’oneza bondo | kudandaula utapeza mavuto chifukwa chosamvera |
| Tchera kumwezi | kuzindikira mofulumira za chinyengo cha munthu pamene munthuyo asadachite zomwe anakonzekera zokhudza chinyengocho |
| Thawa mtswatswa wako womwe | dabwa/kukana zomwe unaziyamba iwe mwini |
| Tola nkhwangwa ndi mpini womwe | chita mwayi waukulu |